Setu dirazom eur bloaz nevez, eur bloavez kinniget deom, da zigemer ha da veva, hag hervez ar c’hiz e hetan deoc’h yehed, levenez ha peoc’h. Yehed da genta, anad eo, rag heb yehed e vez diêz kas da benn an ero bet boulhet abaoe pell ’zo evid lod, hag a-vec’h digoret evid ar re yaouanka. Nag a drubuillou on-eus bet en daou vloaz diweza gand ar C’hovid-naonteg hag a vire ouzom da gas da benn or raktresou, zokén pa ne skoe ket war-eeun warnom. Hervez ar studi on-noa greet diwar-benn ar vosenn e Penn-ar-Bed, e oa ral e padfe eur c’hleñved-red ouspenn daou vloaz. Fiziañs on-eus e vezo evel-se evid ar C’hovid goude miz meurz, ma vez fur awalc’h an dud. Gwelloc’h yehed a zigorfe en-dro dor an daremprejou.

   Ma komzan euz daremprejou eo peogwir ema aze, a zoñj din, eienenn al levenez. Hag greet om evid al levenez ! P’on-nez tro da ober anaoudegez da vad gand tud n’anavezem ket, pa gresk ar mignoniaj, pa zantom om komprenet, digemeret ha karet, e teu deom levenez. Ha pep devez a c’hell beza eun devez a levenez ma fell deom. Or sell war on devez, or sell war an dud tro-dro deom hag or sell warnom on-unan a c’hell liva pep tra e du. Med ma ’z-eus ennom eur gwir c’hoant da veva, e c’hellom ive gweled ha dizolei ar pez a zo kaer, ar pez a zo nevez hag a roio frouez, ha kement-se n’eo ket en traou hepkén, med ive en dud. Alhwez al levenez eo, hag e c’hellom bemdez digeri pe dor an dristidigez pe hini al levenez. Deom-ni da zibab !

   An trede tra a hetan deoc’h eo ar peoc’h, peoc’h er famill, peoc’h etre breudeur, mignoned hag amezeien, peoc’h er galon. Ar peoc’h-se a zo da veza gounezet bemdez, rag bemdez e c’heller beza direñket gand ar pez a c’hoarvez, gand doareou disheñvel da zoñjal pe da ober. Asanti beza direñket a zigor ar spered hag ar galon war ar pez n’anavezem ket, ma ’z-eus eur gwir peoc’h en on donded. Ar gwir peoc’h don-se a zeu, evidon-me, euz ar zantimant da veza karet gand an Hini ne varn ket ahanon, med a skoazell ahanon gand e garantez. Evidon eo Doue, evid lod all eo eun uhelvennad bennag pe c’hoaz unan bennag hag o-deus fiziañs ennañ. Ra vo peoc’h braz en ho kalon penn da benn ar bloaz nevez-mañ. Gand yehed, levenez ha peoc’h e c’hellim treuzi 2022 ha stourm ouz an aveliou foll ! Bloavez mad da bep hini !

   Voici devant nous une nouvelle année, une année qui nous est offerte, à accueillir et à vivre, et selon la coutume je vous souhaite santé, joie et paix. Santé d’abord évidemment, car sans santé il est difficile de mener à bien le sillon ouvert depuis longtemps pour certains, et à peine ébauché pour les plus jeunes. Que de soucis nous avons eus les deux dernières années du fait du Covid-19 qui nous empêchait de mener à bien nos projets, même si nous n’étions pas directement atteints. D’après l’étude que nous avons menée au sujet de la peste en Finistère, il était rare que l’épidémie dure au-delà de deux ans. Nous espérons qu’il en sera de même pour le Covid après le mois de mars, si les gens sont suffisamment sages. Une meilleure santé rouvrirait la porte des relations.
   Si je parle des relations c’est parce que, à mon avis, c’est là que se trouve la source de la joie. Et nous sommes faits pour la joie ! Lorsque nous avons l’occasion de faire réellement la connaissance de personnes que nous ne connaissions pas, quand grandit l’amitié, quand nous nous sentons compris, accueillis et aimés, la joie nous vient. Et chaque jour peut être un jour de joie si nous le voulons. Notre regard sur notre journée, notre regard sur les gens autour de nous et sur nous-mêmes peut tout peindre en noir. Mais s’il y a en nous un vrai désir de vivre, nous pouvons aussi voir et découvrir ce qui est beau, ce qui est neuf et qui donnera du fruit, et cela non seulement dans les choses, mais aussi chez les gens. C’est la clé de la joie, et nous pouvons chaque jour ouvrir soit la porte de la tristesse, soit celle de la joie. A nous de choisir !
   La troisième chose que je vous souhaite c’est la paix, la paix dans la famille, la paix entre frères, amis et voisins, la paix du coeur. Cette paix est à gagner chaque jour, car chaque jour on peut être dérangé par ce qui arrive, par des façons différentes de penser ou d’agir. Accepter d’être dérangé ouvre l’esprit et le coeur sur ce que nous ne connaissions pas, s’il y a une vraie paix au plus profond de nous. Cette vraie paix profonde vient, pour moi, du sentiment d’être aimé par Celui qui ne me juge pas, mais m’aide de son amour. Pour moi c’est Dieu, pour d’autres ce sera quelque grand idéal ou encore quelqu’un en qui ils ont confiance. Qu’une grande paix soit dans vos coeurs tout au long de cette nouvelle année. Avec santé, joie et paix nous pourrons traverser 2022 et lutter contre les mauvais coups de vent. Bonne année à chacun !

Job an Irien d'ar 30 a viz kerzu / le 30 décembre.